Тәжікстанның Соғды облысы әкімшілігінің басшысы Раджаббой Ахмадзода бизнесмен Назиржон Кадыров бастаған Өзбекстаннан келген кәсіпкерлер делегациясын қабылдады. Тараптар бизнес саласындағы ынтымақтастық векторларын талқылады. Бұл туралы жергілікті үкіметтің баспасөз қызметі хабарлады.
Қадыров көршілес елдің кәсіпкерлері Соғды облысының ауыл шаруашылығы саласына бір миллион АҚШ долларын инвестициялайтынын баса айтты. Қаражат «Темуржон» шаруа қожалығында заманауи жылыжай салуға жұмсалады.
Екі жақтың іскер топтарының түрлі салада, соның ішінде ауыл шаруашылығында да өзара тиімді ынтымақтастығына назар аударылып, алдағы уақытта бірлескен жобалар жүзеге асатынына сенім мол.
Өңір басшысы тараптардың бастамасына риза екенін айтып, жобаны жүзеге асыру бойынша ұсыныстар берді. Республикалардың кәсіпкерлері ынтымақтастықты одан әрі дамыту үшін қолда бар мүмкіндіктерді пайдаланады деген пікір айтылды.
Өзбекстандық кәсіпкерлер Хатлон облысында да болып, тоқыма өнеркәсібіне инвестиция салуға дайын екендіктерін жеткізді.